ميللي اوردو و سيلاحلي قووه لر

اوردو مودافعه ائذيجي بير قوروم اولاراق ، اونون وظيفه سي ميللتين چيخارلاريني ، اولكه نين سرحدلريني قوروماقدير.دئموكراتيك اولكه لرده اوردودان بو مقصدله ايستيفاده ائديلير. بونا گوره ده خالق اونلارا ائحترام گوزو ايله باخير، اونلاري دستكله يير. ديكتاتور رئژيملرده ايسه حاكمييت باشيندا اولانلار اوز رئڑيملريني قوروماق . شخصي چيخارلاريني تامين ائتمك و ميللتي كونترول ائذيب سيخيشديرماق اوچون سيلاحلي قووه لردن يارارلانيرلار. بير صورتده كي اوردو هامان ميللتين پولو ايله ايداره ائديلير. 

ايران دئييله ن اولكه يه گلديكده بورادا اوردو هميشه ميللتين آزادليق حركاتيني ازمك ، اونلارين سياسي فعاليت لري نين قارشي سيني آلماق اوچون ديكتاتورلارا بير وسيله اولموشدور. ايران دئييله ن يئرين اوردوسوندا موختليف ميللتلر ايشتيراك ائتسه لرده ،. اونون اساس حيصه سيني آذربايجانلي توركلر تشكيل ائتمكده دير. آمما بو اوردونون ايچ قورولوشو دئموكراتيك فورمادا يوخ ديكتاتورلوق اساسلاري شيوه سينده دير.بير ساده عسگريندن توتوب يوكسك اوردو كومانداني »ژئنرالي« بئله مولالار طرفيندن گه لن بويوروق »فرمان« حاقيندا اوز گوروشونو بيلديره بيلمه ز. بو او دئمكديركي ، بو اوردو مولالار رئژيمي نين منافعيني قوروماق ، موحكم لنديرمك ، لازيم اولدوقدا ميللتلري ازمك اوچون اويونجاغا چئوريلميشدير. 

اوردو و او بيري سيلاحلي قووه لر بئله بير حقيقتي بيلمه ليديرلركي ، گئريجي ، تئروريست ، مستملكه چي شووونيست مولالار رئژيمي ۲۴ - ايلدن چوخدوركي ، اونلارين گوجونه آرخالاناراق ، هرجور خيانت و حاقسيزليقلارا ال آتميشلار. اوردو و سيلاحلي قووه لر اولماسايدي اوزده ن ايراق اوزونو ايسلام جيمهوريسي آدلانديران رئژيم بير گونده اولسون حاكميتده قالا بيلمه زدي 

بوگون ايران دئييله ن دوسداقدا اسارت زنجيري آلتيندا ياشايان آذربايجان ميللتي اوز آزادليق، مستقيلليك ، آزادليغا دايانان حقوق دوولتيني ياراتماق اوچون موجاديله وئرمكده دير. بئله بير قورتولوش ساواشي نين اساسي هر ساحه ده تشكيلاتلانماقدير. بو اوزونو آذربايجانلي بيله ن ، اوز ميللتيني سئوه ن اوردو و باشقا سيلاحلي قووه لر اوچونده گئچه رليدير. چونكو بو موجاديله ده اونلارين بوينونا بويوك وظيفه لر دوشمكده دير. 

سيلاحلي قووه لر ايندييه قده ر ميللت ين يئرينه حاكيم رئژيملرين چيخارلاريني دوشونوب ، اونلارين گوستريشي ايله وطنين آزادليغيني دوشونن آيدين و ضياليلاريميزي و فعال اينسانلاريميزي دوسداقلارا ساليب ، شيكنجه وئريب اعدام ائتميشدير. داها بوندان سونرا اوز اللريني ميللتيميزين قانينا باتيرماماليديرلار. اوزلري تشكيلاتلانمالي، اوز ايمكانلاريني ميللي تشكيلاتلارين اختياريندا قويمالي، بو ميللي قورتولوش ساواشيندا اون صفلرده يئر آلماليديرلار. اونلار بير آذربايجان ميللتچيسي كيمي ، ميللي اوردو منسوبو كيمي ، آذربايجان ميللتي نين ، يعني اوز ميللتي نين بير عسگري اولاراق ، آزادليغا دايانان دئموكراتيك حقوق دوولتي نين يارانماسي و قورونماسي اوچون آنا بير سوتونا چئوريلمه ليديرلر. اونلار آنا وطنيميز آذربايجانين توپراق بوتونلويونو، سرحدلريني ، منافع و چيخارلاريني قوروماغي اوزلري اوچون ميللي - وطني بير وظيفه سايماليديرلار. 

واحيد مستقيل آذربايجان جيهه سينه گوره آذربايجان ميللتي اوز ايستيقلالييتيني الده ائتديكده ن سونرا ميللي حاكميت توپلوموموزدا ميللي اوردونون ياراديلماسي ايله اينسانلارين رفاه ايچينده امنييتيني دئموكراتيك شيوه لره داياناراق تامين ائتمه يي اوز بورجو بيلير. سياسي ، نيظامي، ايقتيصادي و مدني ساحه لرده دئموكراتيك قايدا- قانونلارا آرخالاناراق ميللتيميزين باريش و باشقا ميللتلرله يولداشليق ايچينده ياشاماسيني قارانتي ائتمه ليدير 

آزاد اولموش ، مستقللي ييني الده ائتميش دئموكراتيك آذربايجاندا ، آذربايجان ميللتي باشقا ميللتلرين ائحتراميني قازانميش اوزونه لاييق ميللي اوردويا سيلاحلي قووه لره ماليك اولماليدير. 

آذربايجان ميللي اوردوسو و سيلاحلي قووه لري آذربايجان ميللتي نين بير پارچاسيدير. آنجاق 

ميللتين - وطنين چيخارلاريني دوشونوب ، بويولدا حركت ائتمكله آيري - سئچگين لييه يول وئرمه مه لي ميللتين سئوگي و ائحتيراميني قازانماليدير. 

بونون عكسينه بوگون ايران دئييله ن ميللتلر دوسداغيندا پاسدار ، پوليس ، اوردو و باشقا سيلاحلي قووه لر جماعتين د وشمني كيمي حركت ائديرلر. ميللتلرده اونلاري اوزلرينده ن سايميرلار. بو بيزه صاباحكي سيلاحلي قووه لريميزه عبرت درسي اولا بيله ر. 

واحيد مستقيل آذربايجان جبهه سينه گوره آزاد اولموش دئموكراتيك آذربايجان آدلي وطنيميزده ميللي اوردو و سيلاحلي قووه لرين منسوبلاري ساوادلي ، يئني دوشونجه يه صاحيب ، وطنيني - ميللتيني سئوه ن اينسانلار اولماليديرلار. چونكو بو دئموكراتيك بير اولكه نين وارليغي و ياشاماسي اوچون گره كلي اولان بير شئيدير. 

آذربايجان ميللتي بوگون چوخلو چتينليك لرله قارشي - قارشييادير. مستملكه دوورونون وطنيميزه و ميللتيميزه ووردوغو خسارتلر گوز قاباغيندادير. فارس شوونيستلري آذربايجاني بير خرابايا چئويرمكله ياناشي اوزون ايللرين تحقيرلري ميللتيميزده روحي يارالارا سبب اولموشدور. بو روحي خسارتلر تلافي ائديلمه زدير. آمما باشقا ميللتلرين و مخصوصا آذربايجان ميللتي نين موباريزه تاريخي بونو گوسترميشديركي ، هرزامان چتينليكلره غالب گلميشدير. بوگونده او اوز سياسي تشكيلاتلاري و ميللي اوردوسو ايله بيرگه بو چتينليكلره ده غاليب گله جكدير. 

واحيد مستقيل آذربايجان جبهه سينه گوره آذربايجانين سيلاحلي قووه لرينه ، ميللي اوردوسونا منسوب شخصلر يالنيز حربي و حرب تئكنيكيني يوخ ، سياسي ، ايقتيصادي، اجتماعي ساحه لرده اولان بيليملريده اويره نمه ليديرلر. اونلار بو بيليملره صاحيب اولدوقلاري تقديرده ديكتاتورلار اوچون ميللتي ، اونون تمثيلجيلريني ازمه وسيله سي اولا بيلمه زلر. 

واحيد مستقيل آذربايجان جبهه سي نين ايش دوزه نينه )برنامه سينه( اساسا آذربايجان ميللتي اوز آزادليغيني- مستقيللي ييني الده ائتمه اولوشوموندا )پروچئسينده( ، فارس شوونيزمي نين مستملكه چيلي يينه آذربايجاندا سون قويماق اوچون باريش و موذاكيره لر يولونو ترجيح وئرمكده دير لاكين بو مومكون اولماديغي تقديرده مجبوري اولاراق ميللي اوردونون كومه يي ايله اوز آزادليق، باغلي سيزليق و ايستقلالييتني الده ائتمه ليدير. 

بيزه گوره ايران دئييله ن يئرين سيلاحلي قووه لري ايچينده اولوب اوز ميللتيني سئوه ن ، اونون آزادليغيني دوشونن آذربايجانليلار اوز حئسابلاريني ميللتيميزين دوشمني اولان شوونيست مستملكه چي رئژيمده ن آييرماليديرلار. اوزلري تشكيلاتلانمالي و ميللي قورتولوش ساواشيندا فعال ايشتيراك ائتمه ليديرلر. 

ميللي اوردونو ياراتماق ايسته ين آذربايجنلي اوردو منسوبلارينا، آذربايجانين بو غئيره تلي ائولادلارينا عشق اولسون !