عالي مكتب اويره نجيلري

ايره ليجي » متمدن « توپلوملاردا » جامعه لرده « علمي قايدا ـ قانونلارا داياناراق توپلومون مدني ، سياسي علمي و باشقا ساحه لرده گليشمه سينه » اينكيشافينا« سعي گوسته ريلير. بو اولكه لرده ۲۰ـ نجي يوز ايلده » عصريده « دئـــموكراتيـــك حقوق دوولـــــتلري نين قورولماسي و نهايتده اينسان و اونون آزادليغي نين توپلومدا قارانتي ائديلمه سي ، دئموكراتيك شكيلده دولت و ميللتين بيرـ بيري ايله امكداشليغي، بو اولكه لرين اينكيشافينا سبب اولموشدور. بو گه ليشمه نين ان موهوم فاكتورلاريندان بيريده عالي مكتبلر و اونلارين اويره نجيلري اولموشدور. عالي مكتب اويره نجيلري دونيـــانين هر نقطه ســـينده اولورســا ـ اولســـون اوخودوقلاري درسلرين خاريجينده اوز توپلوملاري نين چتين ليكلري » پروبلملري « ايله ياناشي اينكيـــشاف يــوللاري ايله ده مشـــغول اولورلار. چوغونلوقلا ديكتاتورلارين حاكيم اولدوقلاري دالي قالميش اولكه لرده اويره نجيلر اولكه نين گليشمه سي و ميللتي نين چيخارلاري» منافعي« يولوندا قاباقجيل قووه لردن بيـــري اولــوب ، بو ايده آللار اوغروندا

موجاديله وئريرلر

بئله رئژيملر بير طرفده ن ميللتي راضي سالماق ، او بيري طرفده دنده اوخوموشلارا » تئكنوكراتلارا« احتياجلاري اولدوقلاريندان عالي مكتبلري مجبوري اولاراق ســاخلاماق زورونداديرلار. بونا قارشيليق گليشميش و ايره له ميش اولكه لرده عالي مكتبلر » بيل يوردولار« تحقيق و آراشديرما مركزلري اولوب ، اورادا علمي مسئله لر حل ـ فصل اولورلار. معليملر» اوستادلار « اوز اويره نجيلري ايله چوخ دئموكراتيك شكيلده رفتار ائديب، ياخشي مناسيبتلري اولدوقلاـ ريندان علمي و مدني ساحه ده ده باشاريلي اولورلار. باشقا بير سوزله دئسك عالي مكتبلر بيليم ، آراشديرما و ياراديجيليق مركزلريديرلر. بو اولكه لرين عكسينه ديكتاتور و فوندامنتاليست تئهران رئژيمي نين عالي مكتبلرينده » بيل يوردولاريندا « حاكيم مستملكه چي رئژيم توپلومدا اولدوغو كيمي ، بيليم اوجاقلاريندا بيليم » علم« و آراشديرما » تحقيقات « مركزلرينده خورافاتي ، علم خاريجينده اولان جفن ـ گيياتي گنج اويره نجيلره تحميل ائتمه يه چاليشير. عين زامــاندا پاسدار، آجان » پوليس «و جاسوسلاري اونيوئرسيته لره دولدوراراق بيليم اوجاقلاريني بير دوسداغا چئويريبلر. بو » بيليم« اوجاقلاريندا » بيل يوردولاريندا « هرجور دئموكراتيك حركت رئڑيمين هده ـ قورخو، باسقي و تئرورو ايه نتيجه له نير. بو فاناتيك رئژيم خيال ائديركي ، اويره نجيلري دويمكله ، هده ـ قورخو گلمكله ، توتوقلاييب ، شيكنجه وئرمكله ، اونلارين دئموكراتيك موباريزه سي نين قاباغيني آلا بيله جكدير. رئڑيم باشقا ساحه لرده اولدوغو كيمي بو حلقدادا يالنيش دشونور. گونئي آدربايجانين بيليم اوجـــاقلاريندا ، عالــي مكـــتبلرينده » بيل يوردولاريندا ـ دانيشگاهلاريندا« مـسئله حـقوقي و صنفي دايره دن چيخاراق ، ميللي موباريزه يه چئوريلمكده دير. بو گئديشيم » پروچئس« چوخ سورعتله جريان ائدير.

آذربايجــــانين عالي مكتــــلرينده كي اويره نجــــيلر آذربايجــانين ميللتي نين آزادليغي، وطنيميز آذربايجانين مستقيللي يي اوغــروندا موباريزه آپاريـرلار.

اويره نجيلريميز اوز گونده ليك موجاديله لرينده ن درس آلاراق اوز موباريزه لريني تشكيلاتلانديريب ، قيسا و اوزون وعده لي هدفلر اوچون گونده ليك ايستيراتئڑيك موباريزه شكليني سئچيرلر.

شاه زامانيندا عالي مكتبلريميزده كي اويره نجيلرين چوخو تاسوفله ايران دئييله ن يئرين سياسي ، ايقتيصادي گليشــــــمه سي ، ائله جه ده حاكمييت فورماسي حاقدا آچيق ياخود گيزلين بحثلر ائديب ، موباريزه آپاريرديلار..او دووره ده كي بحثــــلرين اساس بولومونو سوسيال ـ مذهبي ، يادا كومونيستي موضوعلار تشكيل ائديردي. او زامان بو موضوعلار بيزيم توپلوموز اوچون تازاليغي واريدي . كومونيزم دوشونجه سي و اونون حاقيندا يازلان اثرلر ۷۵ ٪ اوخويوب ـ يازمـــاق بيــــلمه ين ميللتيــميز اوچون ايمكانسيز ايدي . رئاليقدان اوزاق ، علمي اولمايان بير حركت ايدي . ائله توپلوموزدا بو حقيقتلري گورمه مك نتيجه سينده خاريجي دولتلر شاهي آپاريب، اونـــون يئـــرينه سوزده ايســلامي آدلانديريـــلان داها وحشي ، داها قددار بير رئژيمي گتيرديلر. و ۲۵ ـ ايلديركي، ايــــران دئييله ن دوســداقدا ياشايان ميللتـــلره قان قوسدورورلار، و بشريت ين اوز قاراسي اولموشلار.

بوگونكو سياسي موباريزه شاه رئژيمي ايله موقاييسه ده داها چتين ، داها تهلوكه ليدير. عين زاماندا اوگونكو موباريزه دن فرقيله نير. بوگونكو موباريزه داها ايــران دئييله ن يئـــري نجات وئــرمه ، رئڑيميـــني ده ييشـــمك موجاديــله سي دئييلدير. بونلار آذربايجان ميللتيني علاقه لنديرمير. بوگونــــكو موباريـــزه ميللي آزادليق موباريزه سيدير. ائله بوناگوره ده بو موباريزه نين سبب يني و حقانييت يني چوخ ساده شكيلده اولكه داخيلينده و خاريجينده هركسه دئموكراتيك و ايره ليـــــجي اينسانلارا آنلاتماق مومكوندور. چونكي دونيانين هئچ بير يئرينده بير ميللت اولكه نين اكثرييتيني تشكيل ائتدييي حالدا بوتون اينساني ، اجتماعي حاقلاريندان محروم ائديلميش بير اولكه موجود دئييلدير.ائله بونا گوره ده بوگون ايسته ر ساوادسيز هموطنلريميزه ، ايسته رسه ده آيدين و ضيالي لاريميزا ميللي مسئله ني اونون تاريخي سببلريني آچيقلاييب ، ميللتيميزين بو فاجيعه دن قورتولماسي اوچون تك چاره يولو اولان آذربايجانين مستقيللي ييني و اونون حقانييتيني توضيح وئرمك مومكوندور. بوگون بيرلشميش ميللتلر تشكيلاتي و بو تشكيلاتدا عضو اولان بير چوخ اولكه ميللتيميزين سياسي ، حقوقي حاق

لاري نين نئجه تاپدالانديغيندان خبري واردير. ائله بو واقعييت لر نظره آلينــاراق وطنيـــميز آذربايجانين عالي مكتبلرينـــده اوخويان اويره نجيلريميز تشكيلاتلانمالي ، موباريـزه ني تشكيلاتلي شكيـــلده قاباغا آپارمـــــالي، گونـــئي آذربايــــجانين مستــقيللي يي اوچون ياراديلميش ميللي ـ سياسي تشكيلاتلارين پروگراملاريني ، تئورولاريني و پيشنهاد ائتديكـــلري مطلب لري بحث و موذاكيره قويماليديرلار. مولالارين پئشــــينه دوشوب و اونلارين نئـــجه دييه رلر اصلاحاتچي و غـــئير اصلاحاتچي كيمي اويونلارينا آلت اولماماليديرلار. اوز ائنئرڑي لريني سهو يولدا صرف ائتمه مه ليديرلر. چونكي بو رئــــڑيمين گ.چه ن ۲۵ ـ ايلده ميللتيميزه گتيردييي هدييه لر هركسه معلومدور. اونلار ايران دئييله ن دوسداقدا ياشايان ميللتـلرين فيكرينده دئييلديرلر. خصوصا اونلار آذربايجان ميللتي نين ان بويوك قددار دوشمنلريندن بيري ساييليرلار. آمما بونا باخميياراق آذربايجان ميللتي وار اولدوغو مدتجه ميللي موباريزه سيني دوام ائتديره جكدير. ميللتــــيميز آنا وطنــــيميز آذربايجانين ايستيقلالييـــتيني ، آزادليغيني الده ائديب، آذربايجانين توپـــلوموندا دئموكراتيك حقوق دولـــــتيني قوروب ، عدالتلي بير جامعه ني ياراداجاقدير.

ده يه رلي اويره نجيلر!

سيزلر توپلوموموزون » جامعه ميزين « سياسي، اجتماعي پروبلملري ايله مشغول اولدوغونوز اوچون بير نئچه موضونو خاطيرلاتماق ايسته رديك .

آذربايجان ميللتي ديكتاتور و گئريجي » ايرتجاعي« حاكميتلره قارشي موجاديله سينده بونو درك ائتميشديركي ، بئله رئژيملرين اوره يي هئچ بير زامان ميللته يانماز ، آزادليق و دئموكراسي دا اونلار اوچون معناسيز و مفهومسوز شئيلردير. اونلارين مقصدلري يالنيز حاكمييت ده قالماق ، سويوب ، چاليب ـ چاپماق و تالاماقدادير.

تاسوفله آيدينلاريميزين بير بولومو موجود مستملكه چي ـ شوونيست رئژيمي بير نئچه گوروها بولوب ، بيرينه موحافيظه كار، او بيرينه ليبئرال ـ رئفورمچو كيمي ٱدلانديريرلار. بير صورتده كي بئله بير گوروش كوكونده ن غئير علمي اولوب و غلط دير. چونكي رئفورم دئموكراتيك حقوق دولتينده عملي اولا بيله ر. ديكتاتور رئڑيملرده رئفورم اونلارين يوخ اولماسي معناسينا گلير. بو سويدلشلاريميز مولالاردان نه گـــوزله ييرلر؟ بير زامان رفســـنجاني ني خميني ده ن ، ايندي ده خاتـــمي ني خامنه اي ده ن يوموشاق گوســـترمك نه يي حل ائده جكدير؟ بو ايمامزادادان معجـــــوزه گــــــوزله مك دئيــــــيلديرمي ؟ حتا بئله اولسالار بئله بيــــزيم اساره تده اولان ميللتيميزه نه گتيره جكدير؟ بونو بيلمه ميز لازيمديركي ، رئژيمين بو اويونلاري يالنيز خالقي آلداتماق ، سوزده قوندارما سئچگيلرله اوز چيركين حاكمييتلري نين عومرونو اوزاتماق اوچوندور. هر شئيده ن موهوم بودوركي ، بيز گونئي آذربايجانليلار مستملكه چي رئڑيمين اويونلاريــــــنا گه ليب ، بوشــــونا واخت گئچيرمه مه لي ييك. حتا مستملكه چي رئژيمين آناسااسيندا » اساس قانونددا « قئيد اولونان ماده لر ايجرا اولورسالاردا بئله يئـــنه هئچ بير شئي ده ييشمييه جكدير.

ديليميز آزاد اولسا بئله ، اوزوموزـ وطنيميز فارس شوونيزمي نين اسارتي آلتيندا قالاجاقدير. ايران دئييله ن يئرين آناياساسي چرچيوه سينده چاليشماقدا بو اسارتين مدتيني اوزاتماق دئمكدير. اويره نجيلريميز ده ، آيدينلاريميزدا بونو ياخشي بيليرلركي ، بو آناياسا چرچيوه سينده موباريزه ادتمك، يعني مستـــــملكه چي رئــــڑيمين حاكمييتيني ميللتيميزين و وطنيميز اولان آذربايجانين اوستونده قبول ائتمك،اونون جينايتلريني رسمــــييتله تانيــــماق، ۲۵ ـ ايلليك بو جينايتلره اورتاق اولماق دئمكدير. عين زاماندا ميللي موباريزه ميزه ضربه ووروب ، ميللتيميزي بير مدت گيجه لده جكدير. مستملكه چي رئڑيمده بوندان يارارلاناجاقدير. اويره نجيلريميزين بويوك وطيفه لرينده ن بيري بو مسئولييتي درك ائتمكدير. رئژيمين آرخاسينجا گئده نلري اويارماق ـ افشا ائتمك، اونلارين چاليشمالاريني رئژيمين موزي و حئسابلاشميش حركتلري كيمي گورمك دير. بئله لريني رئژيمين يئرلي قوللوقچولاري كيمي ده يه رلنديرمكدير.

حقيقي ميللتچيلره گلديكده اونلار ميللي موباريزه ني دوزگون و علمي شكيلده قاباغا آپارماليديرلار. بـــيزيم ايســـلام رئژيمي ايله اولان موخاليفت يميزده ن مقصد يالنـــيز ميللي مسئله دير. بيزيم وظيفه ميز تئهران رئڑيميني ده ييشــمك ياخـود اونــــدا رئفــــورما چاليشماق دئييلدير.بونو فارسلارين اوزلري ادتمه ليديرلر.آذربايجان ميللـــــتچيلري نين داواسي ميللي قورتولوش داواســيدير. چاغيميز اسيز ميللتلرين اوزلريني اساره تدن ، مستملكه دن قورتارما چاغيدير .۲۱ ـ نجي يوز ايلين بو ايلك دوورو آزاد ياشاماق ايسته ين ميللتلرين اوز مستقيلليكلريني الده ادٌديب ، دئموكراسي ، آزادليق ، چوخ گوروشلولوك » پلوراليزم« و توپلومسال عدالت » اجتماعي عدالت « و رفاه ايچينده ياشاما دورودور. بيزيم ميللتيمـــــيزده بونا لاييق بير ميللـــت دير. اويره نجيلريميز ، آيدينلاريميز اوز علمي چاليشمالاري نين يانيندا بو حاقلي موجاديله ني اونوتماماليديرلار. ميللتچي اويره نجيلريميز ميللي موباريزه نين تبليغ چيسي اولماليديرلار. مـيللي تـــشكيلاتلارين ، او جومله دن واحيد مستقيل آذربايجان جبهه سي نين تئورولاريني ، قيسا ـ اوزون وعده لي موباريزه پروگراميني ، بيلديريشلريني » جارچي « غزئت ينده ن و اينتئرنئت دن الده ائديب يارارلانا بيليرلر. واحيد مستقيل آذربايجان جبهه سي گئچميش موباريزه لرين منفي و مثبت نتيجه لرينيي نظره آلاراق موباريزه اوچون علمي و عملي موجاديله يولونو ايره لي سورور. بو موباريزه نين نهايي هدفي گونئي آذربايجانين ايستيقلالييتيني الده ائتمكدير.آزادلــــيغا دايانان دئموكراتيك حقوق دولتيــني قــوروماق دير. بونا آنجاق بيرليكده اولاشماق مومكوندور. هامي بيرليكده ال ـ اله وئريب ، قانوني دولتيميزي قورانا قده ر موجاديله ميزي سوردورمه لي ييك . واحيد مستقيل آذربايجان جبهه سي عالي مكتبلرده ، يوكسك بيليم اوجاقلاريندا اوخويانلاري آذربايجاندا قورولاجاق حوكومتين آنا پايالاريندان بيري حئساب ائدير. واحيد مستـــقيل آذربايــــجان جبهه سي آذربايجاندا چاغداش» مدئرن« دئموكراتيك ، چوخ گوروشلولوك » پلوراليزم « لاييك و نهايت ۲۱ ـ نجي يوز ايله ) عصره( لاييق بير ياشام و دولتين قورولماسي اوچون ساوسشير.